شب برات شعبان کی پندرہویں رات کو منائی جاتی ہے۔ یہ اسلامی کیلنڈر کے مطابق ایک اہم رات سمجھی جاتی ہے۔ یہ رات “لیلتہ البرات” یا “لیلتہ النصف من شعبان” کے نام سے بھی جانی جاتی ہے۔ اس رات کی فضیلت اور اہمیت کو قرآن و سنت میں بھی بہت وضاحت سے بیان کیا گیا ہے۔ اور اسے مسلمانوں کے لیے مغفرت اور رحمت کی رات قرار دیا گیا ہے۔
شب برات کی اسلامی روایت
اسلامی روایات کے مطابق، شب برات کی رات کو اللہ تعالیٰ اپنے بندوں کے اعمالوں کو دیکھتے ہیں اور ان کے مستقبل کا فیصلہ کرتے ہیں۔ اس رات کو اللہ تعالیٰ اپنی رحمت کے دروازے کھول دیتے ہیں۔ اور توبہ طلب کرنے والوں کے گناہ بھی معاف فرما دیتا ہے۔
عبادات اور دعا کرنے کی رات
شب برات کی رات کو عبادت کی بڑی اہمیت دی جاتی ہے۔ مسلمان اس رات مختلف عبادات میں مشغول رہتے ہیں، جن میں نفل نماز، تلاوت قرآن، ذکر و اذکار، اور دعا شامل ہیں۔ خصوصی طور پر، مسلمان اس رات کو نفل نمازیں ادا کرتے ہیں۔ اور اللہ سے اپنے گناہوں کی معافی طلب کرنے ہیں۔ اپنے مستقبل کے لیے بھلائی اور آسانی طلب کرتے ہیں۔
قبرستان کی زیارت
شب برات کی ایک اور روایت قبرستان کی زیارت ہے۔ مسلمان اس رات کو اپنے مرحوم عزیزوں کی قبروں پر جاتے ہیں اور ان کی مغفرت کے لیے دعا کرتے ہیں۔ یہ عمل اس عقیدے پر مبنی ہے کہ اس رات اللہ تعالیٰ مرحومین کی مغفرت فرماتے ہیں اور ان کے درجات بلند فرماتے ہیں۔
شب برات کی فضیلت
شب برات کی فضیلت اور اہمیت کا اصل مقصد اللہ کی خوشنودی حاصل کرنا اور اپنی زندگی کو بہتر بنانا ہے۔ یہ رات ہمیں اللہ کی رحمت کے قریب جانے کا ایک سنہری موقع فراہم کرتی ہے۔ اس رات کو خالص نیت اور دل سے اللہ کی عبادت اور اللہ تعالیٰ سے اپنے گناہوں کی مغفرت طلب کرنی چاہئے۔ اس طرح ہم اس برکتوں والی رات سے حقیقی فائدہ اٹھا سکتے ہیں۔
