یہ فلائٹ اسکاٹ لینڈ کے ویسٹرے جزائر اور پاپا ویسٹرے کے درمیان چلتی ہے اور اس نے دنیا کی مختصر ترین کمرشل فلائٹ کا ورلڈ ریکارڈ قائم کر دیا ہے۔ ہوائی جہاز کی اڑان کا وقت محض دو منٹ سے بھی کم ہے۔
ہم میں سے زیادہ تر افراد کار، بس یا ٹرین کو مختصر سفر کے لیے استعمال کرتے ہیں۔ یہاں پاکستان میں بہت سے لوگ رکشوں کا بھی استعمال کرتے ہیں۔ لیکن شمالی سکاٹ لینڈ کے جزائر میں معاملات ذرا مختلف ہیں۔ چند افراد جو اورکینی جزائر کو اپنا گھر کہتے ہیں۔ ان کے پاس وہاں پہنچنے کے صرف دو ہی آپشنز ہوتے ہیں۔ ایک تو فیری جو کشتی نما پانی میں چلنے والے جہاز ہوتے ہیں۔ جس کے ذریعے خطرناک پانی کا سفرطے کیا جا سکتا ہے۔ یا پھر حیرت انگیز طور پر چھوٹے جہاز میں سفر کیا جا سکتا ہے۔
ان دونوں میں سے جہاز سفر کا زیادہ مقبول ذریعہ ہے۔ کیونکہ کشتی میں آپ کو سمندر کے خطرناک پانی کا سامنا کرنا پڑتا ہے جبکہ جہاز کا سفر زیادہ آرام دہ ہے۔
ان جزائر کے درمیان اس فضائی سفر کو آفیشلی دنیا کی مختصر ترین کمرشل فلائٹ تسلیم کیا جاتا ہے۔ اور صرف 90 سیکنڈ پر مبنی ہوتا ہے۔ اور اگر ہوا موافق ہوتو یہ ایک منٹ سے بھی کم وقت میں ختم ہوسکتا ہے۔
