چائے کی قیمت میں یورپ میں پلاٹ

یورپ کے کئی ممالک میں چند سو روپیوں میں گھر فروخت کرنے کے پروگرامز سامنے آتے رہتے ہیں۔ اب جنوبی یورپ کے ایک ملک میں اس سے ملتا جلتا پروگرام سامنے آیا ہے۔ مگر اس میں گھر کی بجائے آپ زمین کا پلاٹ خرید سکتے ہیں۔

سویڈن کے ایک قصبے گوتین میں 30 پلاٹس فروخت کے لیے پیش کیے گئے ہیں۔ جن کی قیمت فی اسکوائر میٹر ایک کرونا (لگ بھگ 27 روپے) سے شروع ہوگی۔

خریدنے کی وجہ

اس پلاٹ کو خریدنے والے خوش قسمت افراد وہاں اپنے خوابوں کا گھر تعمیر کرکے وہاں رہ سکیں گے۔ یا وہاں تعطیلات منانے لیےجاسکیں گے۔ سویڈن کے اس قصبے کا موسم کافی ٹھنڈا ہے۔ تو گرمی کے ستائے افراد کے لیے یہ پیشکش بہترین ہے۔یہ سویڈن کے ایک دیہی علاقے کا مرکزی قصبہ ہے۔ جس میں 13 ہزار افراد مقیم ہیں اور وہاں سویڈش ثقافت کی جھلکیاں نظر آتی ہیں۔

لوکیشن

یہ قصبہ سویڈن کی سب سے بڑی جھیل ورنن کے کنارے پر واقع ہے۔ جبکہ یہاں موجود پہاڑیاں ہائیکنگ کے لیے بہترین تصور کی جاتی ہیں۔

پلاٹ متعارف کروانے کی وجہ

قصبے کے میئر جوہان مینسن کے مطابق اقتصادی مشکلات اور دیہی آبادی میں کمی کے باعث اس پروگرام کو متعارف کرایا گیا۔ انہوں نے بتایا کہ ہمارے خطے میں ہاؤسنگ مارکیٹ کافی سست جا رہی ہے۔ اور ہم اسے بہتر بنانا چاہتے ہیں۔

ان کا کہنا تھا کہ یہاں شرح پیدائش بھی گھٹ گئی ہے جبکہ معمر افراد کی تعداد بڑھ رہی ہے۔ تو اسی لیے ہم کچھ ایسا کرنا چاہتے تھے جس سے زیادہ افراد یہاں آئیں۔انہوں نے کہا کہ یہی وجہ ہے کہ ہم نے ایک چائے کے کپ کی قیمت میں 30 پلاٹس فروخت کے لیے پیش کیے ہیں۔

جوہان مینسن کے مطابق غیر معمولی حالات میں غیرمعمولی اقدامات کی ضرورت ہوتی ہے۔ اور اب یہ پروگرام وائرل ہوچکا ہے۔اس پروگرام کو مئی 2024 میں متعارف کرایا گیا تھا اور ہر پلاٹ 700 سے 1200 اسکوائر میٹر رقبے پر پھیلا ہوا ہے۔

خریدنے کی مدت

پروگرام وائرل ہونے کے بعد دنیا بھر سے ہزاروں فونز موصول ہوئے اور اسی لیے ابھی پلاٹس فروخت کرنے کے عمل کو اگست تک کے لیے روک دیا گیا ہے۔

جوہان مینسن کے مطابق ان پلاٹس کو کوئی بھی فرد خرید سکتا ہے اور اس کے لیے ضروری نہیں کہ وہ سویڈن میں مقیم ہو یا وہ وہاں مستقل رہائش کا وعدہ کرے۔ بس ایک شرط پوری کرنا ہوگی اور وہ یہ ہے کہ پلاٹ کو خریدنے کے بعد 2 سال کے اندر گھر تعمیر کرنا ہوگا۔