Latest News
فیصل آباد میں ڈاکوؤں نے مریض بن کر لیڈی ڈاکٹر کو لوٹ لیا
فیصل آباد میں ڈاکوؤں نے مریض بن کر فیس ادا کی اور پھر لیڈی ڈاکٹر کو کلینک کے اندر لوٹ لیا۔ ملزمان ساڑھے 5 لاکھ مالیت کے زیورات، نقدی اور موبائل لوٹ کر فرار ہوگئے۔ اس واردات کی سی سی ٹی وی فوٹیج سامنے آگئی ہے۔
پولیس کے مطابق دو ڈاکو مریض بن کر ستیانہ روڈ پر واقع میڈیکل کمپلیکس آئے۔ کاؤنٹر پر اسکن اسپیشلسٹ کو چیک اپ کروانے کی فیس دے کر کمرے میں گئے اور لیڈی ڈاکٹر کو باندھ کر اس کے زیورات، نقدی اور موبائل فون لوٹ کر فرار ہوگئے۔
واردات کی سی سی ٹی وی میں ملزمان کو کلینک میں آتے اور فرار ہوتے دیکھا جا سکتا ہے۔
پولیس نے لیڈی ڈاکٹر کے شوہر کی مدعیت میں دو نامعلوم ملزمان کے خلاف مقدمہ درج کر کے تحقیقات شروع کردی۔