سورہ یٰسٓ، قرآن مجید کی 36ویں سورت ہے جو مکہ مکرمہ میں نازل ہوئی۔ اس سورت کو قرآن کا “قلب” بھی کہا جاتا ہے ۔کیونکہ یہ بہت اہمیت کی حامل ہے اور اس کی تلاوت سے کئی روحانی فوائد حاصل ہوتے ہیں۔ سورت یٰسٓ میں 83 آیات ہیں۔
سورت یٰسٓ کی فضیلت
حضرت محمد صلی اللہ علیہ وآلہ وسلم نے سورہ یس کی بڑی فضیلت بیان فرمائی ہے۔ آپ نے فرمایا: “ہر چیز کا ایک دل ہوتا ہے اور قرآن کا دل یٰسٓ ہے۔ جو شخص یٰسٓ کی تلاوت کرتا ہے اللہ اس کے گناہوں کو معاف فرما دیتا ہے۔” (ترمذی)
مرکزی موضوعات
1- توحید
سورت یس کا آغاز ہی اللہ تعالیٰ کی عظمت اور وحدانیت کے ذکر سے ہوتا ہے۔ اللہ تعالیٰ نے اپنی قدرت کے مختلف نشانات کے ذریعے انسان کو اپنی حقیقت سمجھانے کی کوشش کی ہے۔
2- رسالت
اس سورت میں حضرت محمد صلی اللہ علیہ وآلہ وسلم کی رسالت کی تصدیق کی گئی ہے اور ان لوگوں کو خبردار کیا گیا ہے جو آپ کی نبوت کا انکار کرتے تھے۔
3- آخرت
سورت یٰسٓ میں آخرت کے دن کی ہولناکیوں اور جزا و سزا کے واقعات کو بیان کیا گیا ہے۔ اس میں بتایا گیا ہے کہ کس طرح اللہ تعالیٰ مردوں کو زندہ کرے گا اور ان کے اعمال کا حساب لے گا۔
روحانی فوائد
سورت یٰسٓ کی تلاوت سے نہ صرف گناہوں کی معافی ملتی ہے بلکہ یہ دل کو سکون بھی پہنچاتی ہے۔ اس سورت کی تلاوت کرنے سے رزق میں برکت اور مشکلات سے نجات بھی حاصل ہوتی ہے۔
منکریں خدا اور سورہ یس
اگر کوئی منکر خدا سورۃ یٰسین کی آیات 38-40 کا مطالعہ کرے، تو وہ ایمان کی روشنی سے منور ہو جائے گا۔ ان آیات میں اللہ تعالیٰ کی قدرت، حکمت اور کائنات کے نظام کی بےمثال ترتیب کا ذکر ہے۔ اللہ نے سورج کے سفر، چاند کی منازل اور دن و رات کے تعین کو بیان کیا ہے۔ جس سے انسان کو قدرت کے عظیم الشان منصوبے کا ادراک ہوتا ہے۔ یہ آیات دل میں خشیت اور فکر کا احساس جگاتی ہیں، اور انسان کو اللہ کے قرب کی طرف راغب کرتی ہیں۔ ان آیات کی گہرائی اور حقیقت پسندی کا مطالعہ کرتے ہوئے، دل و دماغ پر اثرات مرتب ہوتے ہیں اور حق کی سچائی واضح ہو جاتی ہے۔
