داغ دہلوی کی شاعری

داغ دہلوی کا اصل نام نواب مرزا خان اور داغ تخلص تھا۔ 1831 میں دہلی میں پیدا ہوئے۔ آپ کا تعلق ایک معزز خاندان سے تھا۔ آپ کےگھرانے کے ادبی ماحول نے آپ کی شخصیت اور فن کو نکھارنے میں اہم کردار ادا کیا۔

اردو ادب پر مزید پوسٹس پڑھنے کے لیے یہاں کلک کریں۔

داغ دہلوی کی شاعری

تمھارے خط میں نیا ایک سلام کس کا تھا

تمہارے خط میں نیا ایک سلام کس کا تھا
نہ تھا رقیب تو آخر وہ نام کس کا تھا

وہ قتل کر کے مجھے ہر کسی سے پوچھتے ہیں
یہ کام کس نے کیا ہے یہ کام کس کا تھا

وفا کریں گے، نبھائیں گے، بات مانیں گے
تمہیں بھی یاد ہے کچھ یہ کلام کس کا تھا

رہا نہ دل میں وہ بےدرد اور درد رہا
مقیم کون ہوا ہے مقام کس کا تھا

نہ پوچھ گچھ تھی کسی کی وہاں نہ آو بھگت
تمہاری بزم میں کل اہتمام کس کا تھا

تمام بزم جسے سن کے رہ گئی مشتاق
کہو وہ تذکرۂ نا تمام کس کا تھا

ہمارے خط کے تو پرزے کیے پڑھا بھی نہیں
سنا جو تو نے بادل وہ پیام کس کا تھا

اٹھائی کیوں نہ قیامت عدو کے کوچے میں
لحاظ آپ کو وقت خرام کس کا تھا

گزر گیا وہ زمانہ کہوں تو کس سے کہوں
خیال دل کو مرے صبح و شام کس کا تھا

ہمیں تو حضرت واعظ کی ضد نے پلوایا
یہاں ارادۂ شراب مدام کس کا تھا

اگرچہ دیکھنے والے تیرے ہزاروں تھے
تباہ حال بہت زیر بام کس کا تھا

وہ کون تھا کہ تمہیں جس نے بےوفا جانا
خیال خام یہ سودا خام کس کا تھا

انہی صفات سے ہوتا ہے آدمی مشہور
جو لطف عام وہ کرتے یہ نام کس کا تھا

ہر ایک سے کہتے ہیں کیا داؔغ بےوفا نکلا
یہ پوچھے ان سے کوئی وہ غلام کس کا تھا۔

tumhare khat mein naya ik salam kis ka tha
na tha raqib to aakhir vo naam kis ka tha

vo qatl kar ke mujhe har kisi se poochhte hain
ye kaam kis ne kiya hai ye kaam kis ka tha

wafa karenge nibahenge baat manenge
tumhe bhi yaad hai kuchh ye kalam kis ka tha

raha na dil mein vo bedard aur dard raha
muqeem kaun hua hai maqam kis ka tha

na poochh-gachh thi kisi ki wahan na aav-bhagat
tumhari bazm mein kal ehtimam kis ka tha

tamam bazm jise sun ke rah gayi mushtaq
kaho vo tazkira-e-na-tamam kis ka tha

hamare khat ke to purze kiye padha bhi nahin
suna jo tu ne ba-dil vo payam kis ka tha

uthai kyun na qayamat adu ke kuche mein
lihaz aap ko waqt-e-khiram kis ka tha

guzar gaya vo zamana kahun to kis se kahun
khayal dil ko mere subh o shaam kis ka tha

humein to hazrat-e-waiz ki zid ne pilwai
yahan irada-e-sharb-e-mudam kis ka tha

agarche dekhne wale tire hazaron the
tabah-hal bahut zer-e-bam kis ka tha

vo kaun tha ki tumhein jis ne bevafa jaana
khayal-e-khaam ye sauda-e-khaam kis ka tha

inhi sifat se hota hai aadmi mashhoor
jo lutf aam vo karte ye naam kis ka tha

har ek se kahte hain kya dagh bevafa nikla
ye poochhe un se koi vo ghulam kis ka tha.

شمع روشن ہے ہماری آہ سے

شمع روشن ہے ہماری آہ سے
لو لگائے بیٹھے ہیں اللہ سے

چلتے ہیں کیا کیا وہ رستہ کاٹ کر
جب گزرتے ہیں ہماری راہ سے

کیوں نہ رکھوں میں تبرک کی طرح
غم ملا ہے عشق کی درگاہ سے

ایک بوسے پر ہمیں ٹالیں نہ آپ
کچھ علاوا دیجیے تنخواہ سے

مانگ کر تجھ کو بہت نادم ہوا
مانگنا تھا اور کچھ اللہ سے

خوبصورت ہو کے تم لڑنے لگے
بحث ہے دن رات مہر و ماہ سے

تو نے واعظ زندگی دشوار کی
کیوں کیا واقف خدا کی راہ سے۔

shama roshan hai hamari aah se
lau lagaye baithe hain Allah se

chalte hain kya-kya vo rasta kaat kar
jab guzarte hain hamari raah se

kyun na rakhoon main tabarruk ki tarah
gham mila hai ishq ki dargah se

ek bose par humein talein na aap
kuchh alawa dijiye tankhwaah se

maang kar tujh ko bahut nadim hua
maangna tha aur kuchh Allah se

khoobsurat ho ke tum ladne lage
bahs hai din raat mehr-o-maah se

tu ne waiz zindagi dushwar ki
kyun kiya waqif khuda ki raah se.

ان کے ایک جان نثار ہم بھی ہیں

ان کے اک جان نثار ہم بھی ہیں
ہیں جہاں سو ہزار ہم بھی ہیں

تم بھی بےچین ہم بھی ہیں بےچین
تم بھی ہو بےقرار ہم بھی ہیں

اے فلک کہہ تو کیا ارادہ ہے
عیش کے خواستگار ہم بھی ہیں

کھینچ لائے گا جذب دل ان کو
ہمہ تن انتظار ہم بھی ہیں

بزم دشمن میں لے چلا ہے دل
کیسے بےاختیار ہم بھی ہیں

شہر خالی کیے دکان کیسی
ایک ہی بادہ خوار ہم بھی ہیں

شرم سمجھے تیرے تغافل کو
واہ کیا ہوشیار ہم بھی ہیں

ہاتھ ہم سے ملاؤ اے موسیٰ
عاشق روئے یار ہم بھی ہیں

خواہش بادۂ طہور نہیں
کیسے پرہیزگار ہم بھی ہیں

تم اگر اپنی گوں کے ہو معشوق
اپنے مطلب کے یار ہم بھی ہیں

جس نے چاہا پھنسایا ہمیں کو
دل‌بروں کے شکار ہم بھی ہیں

آئی مے خانے سے یہ کس کی صدا
لاؤ یاروں کے یار ہم بھی ہیں

لے ہی تو لے گی دل نگاہ تری
ہر طرح ہوشیار ہم بھی ہیں

ادھر آ کر بھی فاتحہ پڑھ لو
آج زیر مزار ہم بھی ہیں

غیر کا حال پوچھیے ہم سے
اس کے جلسے کے یار ہم بھی ہیں

کون سا دل ہے جس میں ‘داغ’ نہیں
عشق میں یادگار ہم بھی ہیں۔

un ke ik jaan-nisaar ham bhi hain
hain jahaan sau hazaar ham bhi hain

tum bhi bechain ham bhi hain bechain
tum bhi ho be-qaraar ham bhi hain

ai falak kah to kya iraada hai
aish ke khwaast-gaar ham bhi hain

kheench laega jazb-e-dil un ko
hama tan intizaar ham bhi hain

bazm-e-dushman mein le chala hai dil
kaise be-ikhtiyaar ham bhi hain

shahr khaali kiye dukaan kaisi
ek hi baada-khvaar ham bhi hain

sharm samjhe tire taghaful ko
waah kya hoshiyaar ham bhi hain

haath ham se milao ai musa
aashiq-e-ru-e-yaar ham bhi hain

khwahish-e-baada-e-tuhuur nahin
kaise parhez-gaar ham bhi hain

tum agar apni guuñ ke ho maashuq
apne matlab ke yaar ham bhi hain

jis ne chaaha phansaa liya ham ko
dilbaron ke shikaar ham bhi hain

aai mai-khane se ye kis ki sada
laao yaron ke yaar ham bhi hain

le hi to legi dil nigah tiri
har tarah hoshiyaar ham bhi hain

idhar aa kar bhi fatiha padh lo
aaj zer-e-mazar ham bhi hain

ghair ka haal poochhiye ham se
us ke jalse ke yaar ham bhi hain

kaun sa dil hai jis mein ‘daagh’ nahin
ishq mein yaadgaar ham bhi hain.